Dale isole de Sparè la via par Adria.

Limpide Fresche acque......del Menago.
Zo, su l'acqua, da San Pierin,
Zo, su l'acqua del ponte dela contesa,
Zo fin al Molin pila de riso de Storari,in do ghera la bula,
zo, el primo ponte ,zo el secondo zo el terzo,
Zo su l'acqua pasando ai piè de San Zen,

Limpide Fresche acque......del scolon
Zo, su l'acqua, dal scaricator,
Zo, su l'aqua del ponte de legno,
Zo, su l'acqua del ponte de fero,
Zo, su l'acqua dal ponte del stradon,
zo, su l'aqua al tocar le la campagna alta vista dal baso del Barbugine,
fin al lago indoe se confonde con el Menago

Limpide Fresche acque......del curol,
zo, su l'acqua da bolnini,
zo, su l'acqua dai silndsoroni,
zo, su l'acqua fin ala bocara dei lambaza feamzini, indove se metea el
lombardini par daquar, se rinfrascava i fiori dedrio la stala, col busoloto
tacà a na pertega, se fasea la molonara, se fasea la lisia e se resentava
col scano,se imparava a ogar, a giustar i canoti
zo, su l'acqua fin al ponte e la usara, larua, la cascata,che se pasava,
davanti al molin Barni, Corndtni, Mendfoin ala Pila vecia che l' era un
caste del XII secolo, ma gnesun ghe fasea caso,
zo fin ale torbiere de l'isola dei paodnoli, che emo traversà con un'ase e
semo fato l'acampamento,
zo, su l'acqua, ale torbiere dedrio el prete, indoe el curol se confondea
tuto,
zo, su l'acqua che se vedea alto l'isolo,

zo, su l'acqua, dal curoleto,
li soto in mezo un lago soto San Zen, sarà dal molin prima dei Maranediei e
po dei schiapi, e na rosta,

zo, su l'acqua, da la val dela Sanoa,
zo, i ga cambià strada, la pileta l'è restà senza acqua,
ghe l'ha ciavà Fincto Martsrati, par dacuarse i so campi,
zo, pasando vizin el Brol indove zugavo da picenin,
zo, su l'acqua dal Mulin,
zo su l'acqua, dedrio el capitel,
zo su l'acqua, dedrio la casa de la Zia Luigia,
zo, su l'acqua, al bocalon, dai Lanncaeza, indoe adeso ghe Velgrola,
zo, su l'acqua da le Barbere,
zo, su l'acqua dal Tomelina, dal zia Lidia,
zo, su l'acqua soto la ferovia,
zo, su l'acqua, dala conca,
zo, su l'acqua fin a Sustinenza,
zo, su l'acqua, dal laval del Tregnon,
zo, su l'acqua, da la val dela Nichesola, Busato, Busè,Naviglio che lè la
stesa roba o quasi,
zo, su l'acqua, par la Canosa, de la Matilde,
zo, su l'acqua, dal fosà, zo dala frasca,
zo, su l'acqua, da Venere,
zo, su l'acqua, da soto la ferovia abandonà,
zo, su l'acqua, al Castel de la Carpanea,
zo, su l'acqua, fin al fosa maestra,
zo, su l'acqua , fin al tregnon,
zo, su l'acqua, fin al Bastion de San Michel, che segna el confin con el
ferarese che adeso l'è deventà rodigin de melara, li segna el confin con la
lombardia, l'aostiliese mantovan. In chela ponta lì quatromila - otomila
ani de storia, de bataglia, de barufe, de conquiste de sconfite, de tochi
de ambra, de anfore,
zo, su l'acqua, scavalcandola sul canal bianco,
Zo, su l'acaua, fin alla Toreta-Croceta col porto sul Cnal Bianco e la Fosa
Maestra libara
zo, su l'acqua, a Marola, a Zelo, a Trecenta a Bagnol a Canda,
li in mezo ven zo el diversivo del Castagnaro strupo da dosento ani, lì ghe
la malaopera e semo nel polesine
non più sul Tartaro che sugà le deventà un campo de tera d'arar.

Re nato a Sparè Isole spampinè nel Menago.