Serata un onore di Silvio Tedesco presentato da Ivana Stopazzolo
CLUB DEI POETI DIALETTALI DEL LEGNAGHESE
Fondato da Sante Zamboni nel 1979
Presidente Franca Isolan Ramazzotto
presentate nella 32° serata
nel Teatro Mignon di Porto di Legnago
Presentato dalla Prof.ssa IVANA STOPAZZOLO
1997-1998 Comitato formato da:
Dal 1999 al 2008 Presidente: Franca Isolan Ramazzotto
1999-2000-2001 Consiglieri:
2002-2004 Idem più Giovanni Boninsegna
2004-2006 Idem più Fiorello Stopazzolo
2008-2009 Idem più Nicola Chinaglia Pasqualina Marin
Tesoriere: Nicola Chinaglia.
Serate tenute a Porto di Legnago
Anno - Poeti ospiti d’onore o festeggiati.
1979 - Ospiti Poeti Veronesi
1980 - Ospiti Poeti Veronesi e Legnaghesi
1983 - Attaro Zamperioli +
1984 - Giovanni Bronzato +
1986 - Dino Coltro + dec. 2009
1989 - Ermanno Bianchini +
1991 - Alfredo Tognetti +
1995 - Romana Menegazzi Stragapede
1997 - Franca Isolan Ramazzotto
2000 - Nerino Tognon e commemorazione
del Musicista Legnaghese Antonio Salieri +
2003 - Fernando Rossi + dec. 2008
2006 - Giovanni Rocco Mastella
Ghe domando: “ t’èto ‘rabià?”
tanto, gh’è tuto de usà!!!
anca in leto me l’ò portà
No te senti che spuzza la g’à?”
La me amica la s’à ‘rabià
e da cativa la g’à ‘baià!
dedicata a Santo Dino Coltro
Lezo el to nome, Dino, curto e suto
come la tera remenà ’n tel canpo
de tuti i libri sacri che t’è scrito,
quan’ t’eri vivo e te savéi de tuto
chel mondo contadin che ti te amavi
insieme a le raìse de i to cari.
Ma el fójo piassè belo che no móre
l’è tuta la passion che te ghè messo
nel ricordar la storia de ci gh’era
su i canpi, ne le stale e le contrade,
a sfadigar col sangoe e col sudore
da quan’ levava el sol e fin a sèra
par far contenti tuti chei paroni
che pretendéa guadagni sora i stenti.
Ligà a sta zente ne i filò de corte
ghè stà el dialeto, spece quelo orale,
che t’è servìo da altare par pregare
chel Dio che ‘desso t’à volùo dessora,
ciamàndote nel brolo de ci vive
el premio merità qua so sta tera.
LUCIA BELTRAME MENINI, VERONA
che on bresparo de oze me sconbate
soto la pèrgola de i giorni
Vorìa sentire almanco verso sera
m’à roversà ‘nte ‘l brolo de la vita.
E vago a remenar la tera nuda
e sento tra le man ‘l so baticore,
la sé che la tormenta quan’no piove,
el strin che la careza e la sfarina.
In mezo ai dièi s’ingruma
oze de passi vegri, quasi salveghi,
intabarè de sogni sognè in pressia,
inbonbeghè de salti, scriolte e rebaltoni,
po’ scancelè par senpre insieme ai ani.
Vorìa che te savessi, tera cara,
quanto che m’è costà nar via dal gnaro:
catarme pene e paje forestiere
par no morir de stenti e de fadighe.
’Desso te baso e strenzo sora ‘l pèto
come se fusse l’ùltima me sera.
LUCIA BELTRAME MENINI, VERONA
che proprio soto, l’era roto…
e de guce, gnanca l’aria!…
che m’ingizava fin ai ossi!
no’ g’avaria podesto vedar!
MARIO BISSOLI, GAZZO VERONESE
MARIO BISSOLI, GAZZO VERONESE
ME BUTO TE L’AQUA SCURA DE LA ME VITA
Me buto te l’aqua scura de la me vita,
parché me vegna in mente i ricordi:
A nóo drio a la riva pien de antarine verde
a vedo un vecio con un capelo fracà in testa,
che’l tira sù da la fossa granda ‘na mota de antarìne.
‘Na zoveneta la ‘riva tuta alegra,
un s-ciapo de ochi la se porta drìo,
i taca a impinirse de antarìne
da farse s-ciopare el fegato.
Stufa, la vole ‘ndare via,
la tàca piciarli con ‘na bachéta,
el più cativo el ghe core drìo,
la ghe mola ‘na sves-cià con l’aria fis-cia,
no la ghe ciàpa el colo, el se storza tuto in sbiego!
Me mama, se la o vede la me gonfia, cossa faia?
Vieni belo, vieni, mostrame, fame védare el colo!”
Fermo, intronà l’oco con l’ocio la varda,
la ghe ciapa el colo, la ghe dà on tiron,
e lo indrizza, drito el ghe resta!!
Sbiasicando ‘na meza canzon la parte
co ‘l so’ s-ciapo de ochi tuta alegra.
MAURIZIO BONFANTE, LEGNAGO
Da zovane con on me amigo
andasevino in fondo al saver
a se perdevino in question difizili
ca ne fasea vegnere i brividi.
a imissiavino Poper, Froid,
I g’era autori duri da mastegare
ma noaltri do gerino cussì bravi
ma intortejarse fin a le do, anca tre de note
i oci al celo i tintonava,
in quelo ca vedea par aria,
un campo somenà a spajo de brilanti,
butà là in ogni canton fin dove i oci i se tendea.
A cuciavo le spale pien de meraveja.
A ghea capìo che no ghea capio gnente.
MAURIZIO BONFANTE, LEGNAGO
Poareti piè…ormai si’ malà.
Oh!, quante peste sul mondo gavì lassà.
Peste legere sul verde de on prà…
Peste più forti so la sabia del mar,
peste insistenti so la vostra casa
dove el lavoro sempre ciamava.
Peste de atesa so ‘na porta sbacià
a spetare qualcuno che no gh’è pì tornà…
Poareti piè – piati e dolenti
De là de che ‘l monte trovè tante stele
T’ò zercà ne le sere longhe
nei giorni tristi e grisi de l’inverno.
A piè descalzi so la sabia
…on gabian solitario m’à risposto.
l’eco de la me voze straca.
ma g’ò visto solo indifarenza.
Ne la foresta de la memoria
t’ò zercà e… drento al core
Tanti Dotori i gà fato la Storia
par fati eroici da tempi passà,
anca par lori ghè tuto cambià,
iutè dal computer i gà manco gloria.
Ogni dotor, gran zervelo, ‘na scienza,
ma i ga da portare tanta passienza.
Se cambia el Goèrno a Roma o in Region
i fa nove regole, Ministri e Assessori,
e i ga da ‘giornarse sempre i Dotori
par no sbaliarse e far confusion.
Tra regole nove e vece magagne
le so jornade i-è tute compagne.
In ambulatorio, tra zóeni e vece,
ghe n’è sempre tanti che va e che ven,
ne la stajon freda ghè sempre pien
par mile rizète de ogni spece
e in ḉerti giorni e coesto l’è vera,
no’ i vede l’ora che ‘riva la sera!
Par i Dotori la vita l’è dura,
oltre ai pazienti da mantegnèr sani,
i gà da curarse anca lori i malani,
de far coalche sbalio i gà gran paura.
Tra visite fora e in ambulatorio
i Dotori i-è… Angeli in purgatorio.
Ma se in purgatorio vive i Dotori,
noantri, Anziani e mal pensionà,
soto la mira de la Sanità,
vivemo a l’inferno, pezo de lori.
Pensèghe sora e tirè la morale:
tra lori e noantri cì stà piassè male?
La memoria me porta buteléto
coando a tola spetàino el magnare,
no gh’èra da zernìre o da sgognare,
ma fete de polenta e el pocèto,
‘na càzza de acoa e dopo in leto,
coanta fame n’à fato tribolare
l’èssar pitochi e no saver ‘sa crompare.
Me ricordo ‘na frase in dialeto
sul poaréto tratà compagno on òco,
la so’ vita la gera ‘na passion,
par “fortuna” che… el campava poco!
Se faséa ‘sta sotìla distinzion:
che la fame la sente el pitòco,
e l’apetito lo sente el paron!
a non me pare gnanca vera,
el me fa oncora emozionare.
l’è par i nostri genitori,
che ne la sguazza del matin
semo sbocià col calore del sole,
mentre al scuro de la sera
la nostra prima preghiera.
La scola no l’è mia da tuti,
ma l’è lì… che semo conossùi /dopo l’asilo
no le se pol certo desmentegare,
anca se ‘desso ‘n ricordo
scrito o fotografà dentro
al nostro core, e resta lì…
pronto par essare racontà
s’à fato el so’ sentiero,
i ne fa capire ‘l sacrifizio
del valore de ‘na strada.
Sora ‘l telaro del nostro doman
stémo costruendo la nostra fameja,
trategiando contorni de sagome
colorà dal caldo sole d’istà,
che solo el pensiero fredo d’inverno
L’emozion l’è ‘na sensazion
che la nasse dentro de noaltri,
la te fa sognare e lo stesso tempo
Le se pol racontare come fiabe
scrivéndole come storie o raconti
a la gente semplice che sà ‘scoltare
In un dipinto a ojo spighe dorà
in smissià dai rossi papaveri,
l’inocensa del primo baso
‘compagnà da la melodia celestiale,
che solo i nostri genitori
i gà savù realizzare ‘l loro dì pì belo:
NICOLA CHINAGLIA, VILLA BARTOLOMEA
senza pressia, a spasso i va
contàndossela senza idee contrariàr.
Da quaranta, zinquant’ani insieme,
par capirse basta ‘n’ocià;
senza pì bisogno de dìrselo.
con la tenerezza del cor ghe digo:
dopo… la vita se trasforma
in un gnente senza senso”.
TERESA DONATELLI, ISOLA RIZZA
PROFONDA MUSICA DE SILENZI
quando ‘n’emozion sgorga dal cor.
e ‘scoltar i amici del Club
da musica e canto intervalè.
córar su e zó par l’Italia
a ritiràr un merito de sodisfazión.
profonda musica de silenzi.
Poesia – sorgente de tranquillo –
dóneme senpre ‘n’idea d’artista
da inprimàr su bianco fojo.
TERESA DONATELLI, ISOLA RIZZA
A m’è stà regalà ona rete,
gavéa cambià ‘l materasso,
quelo novo l’èra on portento,
quela invezze on vero spegazzo.
La gavéa quatro gambe postizze,
tute quante le jèra a incastro
e par quanto te le smarteléssi,
quasi sempre le jèra on disastro.
M’ò svejà ‘na matina a le quatro,
quele ai piè le s’avèa cucià,
me so catà in piè su l’atenti
e da ‘l spaento co i oci sbarà.
Mosè quando ‘l pregava ‘l Signore,
l’èra sempre co i brazzi alzà
e mì invezze, magari ruzando,
naséa spesso a gambe levà.
l’èra el giorno del me compleano,
s’à cucià po’ le gambe davanti,
g’ò ciapà on pizzegon al deretano.
Doman cambio de colpo la rete
e g’ò da védarla mì, co i me oci,
che par caso no casca de novo
ACHILLE FRAMEGLIA, LEGNAGO
CASTAGNE E MARONI (CONSERVA’)
po’ in cantina par ‘spetàr,
a casa o in riva al mare.
ACHILLE FRAMEGLIA, LEGNAGO
QUANDO ON GIORNO L’E’ TRISTE
Tuto gh’è scuro, anca la luce.
che no ghe sia pì continuazion.
ogni rumore diventa longo, odioso,
el bàtare del core te strenze el peto.
senza pietà… te tole el respiro.
A olte pare che ‘l celo te schizza,
ma l’è solo ‘na giornata de tristezza.
ARIANNA FRATTINI, LEGNAGO
e dai grili che canta in te ‘l prà.
penso che fo parte de ‘sto universo.
co ‘l core e co ‘l sangue…
ARIANNA FRATTINI, LEGNAGO
drento la casa de la me infanzia
gh’èra ‘l respiro dei me cari
…caminare so le vece caezzàgne,
dal core de ‘na fola d’amore.
te vardo co i oci del poeta
…jèro zóena, piena de sogni,
qualchedun regalà da Morfeo
i-à supià ìa senza pietà!
el zarmójo de quel che t’è restà
parché el zugo del destin
gà fermà el respiro dei me cari.
FRANCA ISOLAN RAMAZZOTTO, LEGNAGO
FRANCA ISOLAN RAMAZZOTTO, LEGNAGO
In mezo a le nebie patoche
Vecio de drento e de fora,
straco ‘n te l’anema e ‘n te ‘l cor
tristo e solo, ‘l camina de note
par le strade quando pioe
e l’è par quela che no ‘l se ferma,
tanto no ‘l g’à pì gnente da perdar…
l’indifarensa de ’l mondo
la g’à scancelà speranse e sogni.
Bate ‘l tempo ‘l so baston sora ‘l marciapiè
Intabarà de malinconia, ‘l sangiota a pian
lagrime calde core zo da le ganasse
smissiandose co’ gosse ingiassade
Ci ‘l lo varda, no i capisse, e no i sà
…e l’è par quela che ìl và;
sicuro che gnissun podarà dirghe:
ANNA MARIA LAVARINI, VERONA
sensa pantesar la pontara,
l’era lesero ‘l peso dei sogni,
strada fasendo s’aveimo cargà
de gioie, de crussi, de ani.
quel basto, che ne cuciàva le spale
e lo lassaremo lì; par tera.
te portarò sora coline slusenti,
un senter de Luse, sensa fine.
ANNA MARIA LAVARINI, VERONA
che ‘l podea far el Signor,
a le done no g’ò vargogna,
parché, ghe vói ben a tute,
dopo che l’ò scaldà la me bechesse,
GIUSEPPE LAVARINI, ISOLA RIZZA
Tanti ani che no passava da lì,
spinari e roéje te scondea Madona
drento quel capitel là su i monti.
Me ricordo de ani fa, quando s’éra picolo,
che su l’altarin gh’éra sempre fiori freschi,
La gente che passava la se fermava davanti,
i lesea quela frase che gh’éra scrito soto:
“O passegger che passi per questa via
scopriti il capo e dì l’ Ave Maria”.
Co divossion i sbassava la testa
Tanti i te dimandava anca la grassia,
o ‘l miracolo che che la staion fusse bona,
che ghe fusse pace ‘n fameja,
che i omeni i ritornesse da la guera,
i g’avéa de Ti tanto bisogno.
Desso che fà miracoli e grassie,
gh’è ‘n television maghi e striossi,
e i piassè i ghe crede solo a quei,
cossita anca de Tì e par el Cél
vegnarò ‘n giorno a libararte
da i spinari e roeje, piantarò rosare,
te portarò fiori, impissarò lumini,
e quei che passarà, i farà da novo,
un riverente pensier par Ti.
GIUSEPPE LAVARINI, ISOLA RIZZA
gò inpinà l’anima de desideri
ciapà el corajo a coatro man
e messo l’avenire in scarsèla.
Inbriagando el core de promesse
ma la vita, da chel momento,
me gà vardà co oci strani,
-Semenando vento
son tornà da novo a vivare
rancurando fregole de sogni
cascà dal nastro de la memoria
co i oci sol par pianzare
perse dal core al tramontar del sole
so l’ultima spiaia ormai deserta,
FRANCO CARLO LORENZETTO, MERLARA
sora le case e par le strade.
On vento che t’inpina i ossi,
oncora coelo, de coando el core bujia
so leto de scartozzi ‘nbriagà de amore.
Seghita el batociar del core
se palpa la voja de ripiturare ‘l dì
che gavea saor de eternità
e no gò perso memoria de oci
La staion s’à messo in sen el sale,
ma i ricordi xe rose co i spini
gò tante robe fruste da trar via…
chissà che torna farse viva la speranza.
FRANCO CARLO LORENZETTO, MERLARA
voria dai to brazzi sentirme cunare.
Spesso strenzo le man al vento
parché vedo el mondo in tormento,
Mama, mi te prego in zenocion
scancela da tuti ‘sto magon.
Mama, qualche volta te fo dispiazere
quando distrata, no digo le preghiere,
ma ti paziente e co afeto
te me scusi, te me strenzi al to peto.
Xe majo, la rossa rosa xe sbocià,
la someja al to cor strazià
par la morte cossì atroce
de to Fiol, inciodà so la croce.
Cara Mama, finisso ‘sta preghiera
insieme a tute le mame de la tera,
on canto te ofremo con fervore
par dirte grazie del to grande amore!
PASQUALINA MARIN, PRESSANA
in on atimo tuto xe spuntà
la tera de fior xe ricamà.
Le timide violete su i prà
le xe fiorìe a s-ciocarà,
ghe fa da ricamo le margherite
tra ciaciarar de passerete.
El merlo fis-cia el so amor
a la ciorla che beca l’erbeta
ela lo ‘scolta co emozion
in compagnia de ‘na farfaleta.
Le zùrle xola tra le ale de moschini,
la bissòrbola se scalda sol mureto,
sol fosso la rana zuga co i girini,
sui campi canta on grejeto.
Magia de profumi fa fantasticar,
i zentanìni grata la tera,
so le pociare l’anareta va a noar:
quanta gioia porta la Primavera.
el par ‘na nuvola de seda vestìo,
on galeto al sole gà cantà:
‘sta gran belezza ne gà donà Dio!
PASQUALINA MARIN, PRESSANA
L’è istà. I canpi iè arsi, brusà,
el caldo ‘l suga fossi e canai,
i girasói i stenta a drio al sole,
i paroni iè in tension e i spera…
Atorno a le coatro de dopo disnà
se scurisse el celo, a matina,
e ‘na nugola la querze el sole.
Se mete ch’el vento rabioso
che alza le cotole, roba i capei,
el pocia polvare da le strade
incipriando tuto coanto a la man,
mentre i albari e i prà i fa la ola.
Dessora gh’è ‘na gran confusion,
scuro bisso e sporcà de bianco,
site, tonè che fa tremare i veri:
tuti i core, el bastardin ‘l caina,
le done ciama aiuto dai omeni;
sventa assè e i primi gozzuti,
smissià a grani de tenpesta fina,
i vien zo de segheto slusegando:
che fracasso sui copi e par tera!
“Cissà che la se olta con quela bona!…”
Da lì poco, piove che l’è on piasere
e a tuti se verze el core e i biassa:
“Manco mal che la ne nà ben,
tiremo ‘l fià par n’altro tochetin”.
GIOVANNI ROCCO MASTELLA, LEGNAGO
iè tuti butini bei, carini,
in te ‘na cuna tuta rosa,
la boca par che la ciucia.
i oci coerti de paje d’argento,
i colori de mile primavere:
GIOVANNI ROCCO MASTELLA, LEGNAGO
Grei canterini v’ò sentìo in magica sera stelata.
Ve pensavo distruti, dispersi, spariti dal bel prato
fiorìo e profumà da tante varie erbe.
El vostro rifugio no ‘l gh’è più; al so’ posto
gran busa, po’, do vile grande e siore
par l’ambizion de’ omeni che i-à vossù.
Par magia, non so quale, improvvisi si’ ‘rivà
in altro logo sicuro e fresco.
Risento cantare nel boscheto vicin:
on’emozion granda: eco, de novo ghe si’.
La vostra musica me dise: la forza
de la natura, la forza de la vita che
vinze anca i dani fati da noaltri
colture e giardini desfà.
piova a sece roèrse, salà,
fiori d’inverno, foje seche d’istà,
Machine che vola, che core,
sempre de pì bauli grandi,
gas a volontà che fa mal.
Alè…se buta in gran mùcio,
nessun sa pì cossa farne.
Speremo che possa cambiar…
ne manca on poca de volontà.
La vita ne dise de far de mejo.
l’è la staion pì bela de la vita,
Prima che la nebia la querza tuto intorno,
voi impinìrme i oci dei colori del mondo,
del rosso e zalo de le foje brusà,
de le mace viola dei fiori settembrini,
del profumo dei maroni brustolà
e del mosto che boje dentro i tini.
Voi scondarme dedrio un zugo de luce,
e in tel silenzio, quel che me dà pace,
vardar le nugole con le so tante forme,
che a olte, me par bianchi cavai,
che al galopo i core verso el mare,
lassando indrìo solo ‘na sia de polvare
e a la me vista pian pianin, tuto scompare.
E sogno ‘na nova primavera,
gh’è n’angelo che me presta le so ale
e con amor da tera el me soleva
par insegnarme… come se fa volare.
“ ‘Na domenega triste come tante
son mi sola in te ‘sta casa massa grande,
in cel el sol che stà par tramontare,
se rosega pianin tute le ore,
la mente alora, scomizia a ricordare.”
Vedo el film de la me vita…
quando butina sui zenoci de me nono,
par scaldarme me scondéa soto el tabaro,
senza ramina… e senza fogo.
Sula tola ‘na lanternina a oio,
faséa ciaro a ‘na veceta rapolà,
me nona Rosa la disbrojava in casa,
l’èra picinina che la parea inzenocià.
Ma quando ‘rivava primavera
e le piante metéa el vestito de la festa,
scapava discalza sui sloti ne la tera,
parché alora, scarpe no ghe n’èra.
Passava cussì i più bei giorni di me ani,
e vegnéa l’inverno ancora coi so’ dani,
no gh’èra legna par scaldarse
e poco o gnente da magnare,
ma in tel cor tanta speranza,
che un doman, la podea cambiare.
‘Na matina de genaro me son svejà,
al sóno fondo de la vecia campana,
con le onge dai veri gò gratà la bruma,
gò visto ‘na sagoma che se ‘lontanava,
l’èra un careto tirà da du cavai…
con me nono, che me ‘bandonava…
Sul sentiero che la neve avéa scancelà,
restava solo el segno… de do carezà…
Rumando in granaro gò catà
bela colorìa, sportiva e ben fata.
I me amizzi jèra oncora là
in tanti bei posti semo nà,
anca el stradin fato danar,
Parìvino pulirei mai chietà.
la benzina gò finìa, de volta
son tornà; jera proprio sidià
e tuto suà. El segon tirava
…massa stajon jera passà.
Tirà fora da l’armaro d’i ricordi
gò ‘na cartèla de carton fruà.
par liberare ani picinini
che grandi voléa deventar.
Alora el tenpo jera d’i ani
le pigne d’i pini, s-ciopi
Quante batalie… A l’ataco!”
Guere d’eroi che mai moréa
Guere d’eroi che nissun perdéa,
tuti sani e gnanca costipà…
guere che magna chi le fa,
Quanto dolore soto ‘sto celo,
quanti oci de pianto e disperazion,
gh’è tante busìe, gh’è pien de trame,
par i poareti no cambia mai gnente
gh’è ancora gente che more de fame.
Intorno gh’è on’aria de ipocrisia,
no gh’è rispeto par l’altro pensiero,
in nome del ben i fa anca la guera,
gh’è massa dolore soto ‘sto celo,
l’è impastà de sangue la nostra tera.
No vedo el perfeto soto ‘sto teto,
soto ‘sto manto no gh’è giustizia,
l’è stofegà dai schei e l’amicizia,
gh’è chi porta tanto, drento la casa,
altri i resta con gnente in mezo ‘na strada.
Però, quando te riessi a girare la testa
da tanto dolore e difarenza,
te vedi sempre spuntare on fiore,
gh’è oncora speranza soto ‘sto celo,
parché gh’è gente che somena amore.
LUCIANA SBAMBATO, LEGNAGO
Stasera nel celo gh’è massa stele
che curiose le spia chi so ‘sta tera…
magari me sbalio, iè sempre quele,
ma tuta ‘sta luce me fa anca fastidio,
parché la ferisse el me tristo viso.
Stasera ne l’aria gh’è on strano canto
che el gira intorno al me pensare,
non sento calore drento ‘sto manto,
el me core continua on lamento versare.
Par ‘sti oci de pianto vo in zerca del scuro,
zerco la pace e me cato on muro,
ma de colpo gò voja de ‘sta luce guardare,
m’è ‘rivà a la mente on grande pensiero,
…mì, ‘desso, gò la me stela che brila nel celo.
LUCIANA SBAMPATO, LEGNAGO
Prima de la guera tanti ani fa,
ghe èra on omo chel se daséa sempre da far
par la faméja, parché i jèra tanto pitòchi,
cussì tuti i giorni el naséa par fossi.
L’èra on zestàro, el zercàva piume e carezza
par far spazzaóre e impajar la fiascheta,
carèghe, zestèi, l’èra bon far de tuto,
‘rivava la sera che l’èra distruto,
ma tuto el faséa par el bisogno
e mai el se lumentàva chel pòro omo.
‘Na sera tornando che ghe èra zà scuro,
el caminava drìo la Sarèga
el gà messo on piè male, cussì l’è sbrissià
drento so l’àcoa e lì el gh’è restà.
Nessùn gà sentìo, nessun che gà visto,
nessùn lo gà iutà chel poro cristo,
col ciaro del giorno da la corente portà
i lo gà visto passare coi brazzi spalancà.
Chel pòro omo in Sarèga catà,
l’èra me nono che no gò conossesto,
Quanta nostalgia gò de chel tempo…
Me ricordo le giornade de istà
el gran desteso sol sélese,
mì ghe caminava inzìma a piè descalzi,
me opà che l’osava parché lo strazzàva tuto.
la puéta de pezza che m’à fato me nona,
che me rinfrescava quando jèra tuta suà,
le corse par zugar bandiera,
le rampegàde sóra le piante de more.
de inverno quando nevegàva;
zugàva co le bale de neve,
slissiava sui fossi ingiazzè,
faséa chilometri a piè par nar a scóla
co ‘na busta de carton, le sgiavaréte ai piè
e on grumbialoto moro, sliso.
tuto me ricordo de alora.
Anca se la vita l’è passà,
el ricordo sempre vivo gh’è restà.
MARGHERITA LILIANA SOAVE,
Mama, parché m’èto lassà?
Sui me oci gò sempre davanti
el to’ volto… el to’ soriso…
la to tristezza – adesso?
parché m’èto lassà, sì lo so;
Gò sempre bisogno de tì, però …
So che te sarè a incontrarme
ma t’ieme sempre par man.
SILVIO TEDESCO, ROVERCHIARA
EL MATRIMONIO DE ‘NA OLTA
Coanto l’era belo védar du giovani de sesso diverso
che se vol ben, ‘na olta l’era cossì; a la sera
i se incontrava, éla su la porta de casa la lo ‘spetava…
e coando in bici el ‘rivava… eco, on sorisin,
i oci i se guardava, e, con tanto afeto i se parlava
e i tempi del matrimonio i progetava.
El tempo el score veloce; i se marìda,
‘na gran festa, con parenti e amici e dopo?,
lori du insieme i va a vìvar felici.
La mogliettina a la sera con ansia la lo ‘spetava
che ‘l tornasse dal laoro, eco, ancor un dolce sorisin,
la verzea i brazzi scambiandose tanti afetuosi basìni.
Pian pian nasse un fiolin, ‘na gran consolazion,
ma… anca coalche preocupazion, le spese jè
aumentà, co ‘l mensile l’è fadiga ‘rivar.
I pensa come se pol far, i decide. El botin?…
a l’asilo nido o da i noni, e anca ela
a laorar par poder el lunario sbarcar.
Ma… aimè! Adesso nei tempi moderni
la s’à cambià, ben pochi i se vol maridar,
i preferisse convìvar fin che la va, e dopo?
Ognun par la so’ strada el se ne va.
SILVIO TEDESCO, ROVERCHIARA
No vedito come la vita taca,
Intòname ‘na canta de ‘na olta
che possa riscoltar le nine nane
su cune che dindola coi butini
al lume de la luna che ris-ciara
le sere pì rognose de la vita.
Intòname ‘na canta de ‘na olta
che possa spolvarar i me ricordi
sora la sendra grisa dei pensieri
che vol stofegarme le speranse
e i desideri che me bala in sen.
Intòname ‘na canta de ‘na olta
che svéja angioleti che se ciàma
con nugole de cieli ‘mboressadi
de ale che se alsa da distante
par rimirar la pace che voréa.
Intòname ‘na canta de ‘na olta
che possa colegarme come alora
su caréghe a sgranàr i padrenostri…
par arbinar la fede dei me veci
e spampanarla sul mondo sfrantonà.
NEL BOSCHETTO DE VIA BIXIO
In primavera e par tuta istà
nemo a far i quatro passi
e se catemo a le tre de ogni dì.
Se sentemo soto i albari.
e se sentemo su le panchine
Se preferise taser e guardar
e alora i ricordi i nasse.
L’è belo sentir qualchedun
Te capissi quanto el mondo
e noialtri semo ancora qua
Qualche volta insieme cantemo
fino a quando che campemo
a recitar le nostre cose.
Sentemo tanti bei raconti
con tanta gente ne la sala
‘Na pianola e un cantante
e el ghe bate anca le man.
Dopo, soto, gh’è el rinfresco
e tuti i se gode a ciacolar
e con el libreto ne le man
se auguremo de catarse st’altro an.
A nome del Club si ringraziano per la realizzazione della serata le Ditte ed Enti elencati nel retro della copertina e Grafiche Marchesini.
Un particolare ringraziamento:
alla Cantante Luisella Rossin,
al Tastierista e Cantante Gianpietro Gianfranco,
alla Dott.ssa Maria Giovanna Cagalli e collaboratori
della BiBlioteca Comunale Gervasio Bellinato,
alla Prof.ssa Ivana Stopazzolo,
ai Sacerdoti per gli annunci in Chiesa,
al Mensile “Quatro Ciacoe”,
ai periodici Sabato Affari,
a tutto il pubblico che ci segue.
Libretto curato da Franca Isolan Ramazzotto
Serata organizzata da Franca Isolan Ramazzotto.
12-13 Giovanni Boninsegna
26-27 Franca Isolan Ramazzotto
30-31 Anna Maria Lavarini
34-35 Franco Carlo Lorenzetto
38-39 Giovanni Rocco Mastella
48-49 Margherita Liliana Soave
52-53 Maria Teresa Venturi
Nessun commento:
Posta un commento