RENATO DE PAOLI CANDIDA' AL CONSIO RE. VENEXA CON EL CANDIDA' GOVERNATOR SILVANO POLO.

EL POETA RENATO DE PAOLI scalda i CORI e prepara ponti de barche VENEXE.

Isole Sparse PALO AVI SCUMIZIO TION TREGNON Menago Lavegno Busè Adese Sparè VILA FONTANA VENERE Vicenza Verona

(16 febrar 2010) Fin che vien vanti de votar par mandar Silvano Polo a governar la Venexia se prepara le Isole Spampinè a ndar a votar el 28 29 marzo 2010. Cosita scumizia el dopo Galan che vedarà el novo Consio Re. Veneta Isolan. Dal VENEXO a sera e sta candidà Renato De Paoli poeta, marinaro, santo, videosperimentalista, pitor , fotografo, regista, scritor, esperto de case, done e motori. ahahahaha. I partiti sateliti i scumizia a metarse al cuerto e spartir careghe. Sui muri ghe tute le face piase bele e piasè brute. Progeti gh'i n'è anca massa fadiga l'è farli n'dar in porto.
Tanti è sta ciamè ma pochi quei che vegnarà eleti. Silvano Polo senza paroni el ga mia paura de far conti e far vedar come lè che i Veneti i paga nove de tasse e ven deolta tri. Tanti i ride pensando che i Veneti laora e tase sempre. Cosita el centro, el centrodestra e el centrosinistra, (roba inventà par desfar l'armonia tra le fameie) che i voria far lori i zughi i ga da vedarsela con i VENETI sicuri de far ben e ciapar tanti voti. I'altri partiti zerca de metar a mota gente descompagnà che no piase mia tanto in Veneto.
Donche anca Isolani de la Granda Endolaguna veneta moe le so piroghe e le barche. I eredi de ATALATA alza la testa, indriza la testa.Tolemose de olta le ciave de l'acoa del Bosco Sacro Dai Palo AVI dela Plava al Scumizio dal Tion al Sile, dal Tregnon al Brenta, da l'Adese al Po dal Menago ala Sanoa vien fora EL MAI VENZO POPOLO VENEXO.
Tute le Isole Spampinè se prepara e se parecia par traversar la STORIA con la S quela granda. La Storia fata da gente che vol riciapar in man el so destin e che vive de rispeto e dignità. Par i Veneti dele Isole dei sete mari governar vol dir farse a servizio de tuti i'altri, no goder de inutili privilegi, vol dir far vegner fora le robe bele che i'omini i'è boni de far vegner fora.
Dale montagne ai altopiani, da Pian de le Fugaze a Re ACOA ro da Sparè a Vicenza da Verona a Peschiera da Venezia a Treviso da Rovigo - Adria a Belun da Padoa a Ostilia na oze sola : "VENEXI" PARONI A CASA NOSTRA.
"CI VA A ROMA PERDE POLTRONA" dise el parlar VENETO. Da ancò paroni a casa nostra, scumizai la grande onda VENETA che roersa tuti quei che se ghe para davnti.
Silvano Polo novo almirante guida la flota dela Venetia, con Riondato, Selmo, De Paoli, Faleza, Mirto Giacomo , Bampo e tanti altri. Pronti a ciapar el largo, a roersar le vele a ciapar el vento e portar in alto la bandiera el nome de sta nazion de sto Popolo che par du secoli la soportà la pulizia etnica volua da Stati foresti. Tanti e pronti altri se prepara par riciapar in man el nostro destin el governar le Isole spampinè drento i lidi de acoa dolze. Tanti se domanda in doe n'darà la Nave VENEXA, de sicuro distante de sicuro sarà ciossa, de sicuro no ga paura de nesun. Quei pochi che resta fora se dimanda cossa far se votar quei da roma e restar fora zugo.
Renato De Paoli va invanti con le so Isole e se prepara a sveiar el cor a tuti i VENETI de bona volontà.